मुम्बई – बलिउड फिल्म ‘टोटल धमाल’ रिलिजपछि दर्शकको राम्रो साथ पाएको छ । अनिल कपूर, माधुरी दीक्षित, अजय देवगन लगायतका स्टारको अभिनय रहेको कमेडीले भरिपूर्ण यो फिल्मले बक्स अफिसमा पनि कमालको व्यापार गरेको छ ।

बक्स अफिस इन्डियाको आँकडा अनुसार यो फिल्मले पाँचौ दिनमा झण्डै ८ करोड २५ लाख बराबरको कलेक्सन गरेको हो । फिल्मले अहिलेसम्म ७९ करोड भारुको कुल कलेक्सन गरेको छ ।

अजय देवगनको फिल्म ‘टोटल धमाल’ उत्तर प्रदेश, गुजरात, बिहार र सेन्ट्रल एरियामा बढी रुचाइएको छ । कमाइका आधारमा यो फिल्मले यसै साता सय करोड कमाउने अनुमान गरिएको छ ।

यो फिल्मले शुक्रवार १६ करोड पचास लाख भारु, शनिवार २० करोड ४० लाख भारु, आइतवार २५ करोड ५० लाख भारु र सोमवार ९ करोड ८५ लाख कलेक्सन गरेको हो ।

फिल्म झण्डै सय करोडको बजेटमा निर्माण भएको थियो । धमाल सिरिजको पहिलो फिल्म सन् २००७ मा रिलिज भएको थियो ।