काठमाडौं- केन्द्रीय बैंकले देशभरिका एटीएम बुथहरूमा सुरक्षा निगरानी बढाउन बैंकहरूलाई पुनः निर्देशन दिएको छ ।

एटीएम बुथको सुरक्षाबारे २०७३ को माघ १० गते नै राष्ट्र बैंकले परिपत्र गरेको भए पनि कृषि विकास बैंकको घटनापछि राष्ट्र बैंकले पुनः बैंक तथा वित्तीय संस्थाहरुलाई परिपत्र गरेको हा।

परिपत्रमा बैंकहरूले सबै एटीएमलाई सीसीटीभी क्यामेराबाट निगरानी गर्नुपर्ने र त्यसको रेकर्ड ९० दिनसम्म राख्नुपर्ने उल्लेख छ।
बैंक तथा वित्तीय संस्थाहरूद्वारा सञ्चालित सम्पूर्ण एटीएम बुथहरूमा चौबीसै घण्टा सुरक्षा गार्डहरूको व्यवस्था गरी बुथहरूको विशेष निगरानी गर्नुपर्ने उल्लेख गरिएको छ ।

त्यस्तै, बैंक वा एटीएम बुथनजिक कुनै व्यक्ति वा समूहको गतिविधि शङ्कास्पद लागेमा सम्बन्धित पदाधिकारी वा निकायलाई तत्काल जानकारी गराउन पनि राष्ट्र बैंकले निर्देशन दिएको छ।