काठमाडौं– आईसीसी विश्वकप क्रिकेटको आज (बिहीबार)को खेलमा उपाधी दावेदार भारत विजयी भएको छ ।

भारतले वेष्ट इन्डिजलाई १२५ रनले पराजित गर्‍यो । २६९ रनको चुनौती पाएको वेष्ट इन्डिज ३४.२ ओभरमा सबै विकेट गुमाउँदै १४३ रनमा समेटिएको थियो ।

ईङ्ल्याण्डको म्यानचेष्टरमा टस जितेर पहिले ब्याटिङ गरेको भारतले निर्धारीत ओभरको खेलमा ७ विकेट गुमाएर दुई सय ६८ रनको मध्यम योगफल तयार पारेको थियो ।

भारतका लागि कप्तान विराट कोहलीले सर्वाधिक ७२ रनको अर्धशतकीय पारी खेले । यो अर्धशतकसँगै कोहलीले आईसीसी एकदिवसीय क्रिकेटमा आफ्नो ५३ औ अर्धशतक पुरा गरेका छन् ।

त्यस्तै महेन्द्र सिंह धोनीले ६८ रनको अर्धशतकीय पारी खेले । त्यस्तै लोकेश राहुलले ४८ रन बनाउँदा हार्दिक पाण्ड्याले ४६ रनको योगदान दिए ।