काठमाडौं– एसईईको परीक्षाफल केही बेरमा प्रकाशन हुँदैछ । त्यसका लागि राष्ट्रिय परीक्षा बोर्डको बैठक बसिरहेको छ ।

यो वर्षको एसईई पहिलो पटक प्रदेश स्तरमा सञ्चालन भएको थियो भने केही चर्चित व्यक्तिले पनि परीक्षा दिएका छन् ।

अभिनेत्री करिश्मा मानन्धर र सांसद शान्ता चौधरीले एसईई परीक्षा दिएका छन् । उनीहरुको नतिजा कस्तो आउँला भनेर धेरैले चासो राखिरहेका छन् ।

उनीहरुको नतिजा कस्तो आउने भन्ने कुरा जान्नका लागि रिजल्टलाई नै कुर्नुको विकल्प छैन ।

अभिनेत्री मानन्धरले अध्ययन गेरेको विद्यालय त्रिवेणी माध्यामिक विद्यालयका प्रधानाध्यापक वाङदेन लामाले करिश्मा राम्रो अध्ययन गर्ने विद्यार्थी भएका कारण नजिता राम्रो आउनेमा आफू आशावादी भएको बताए ।

स्कूलमा भर्ना भएको समयमा पढाइमा केही कमजोर भएपनि पछि करिश्माको अध्ययनमा सुधार आएको प्रधानाध्यापक लामाले बताए ।
तर यही ग्रेडिङ आउँछ भनेर आफूले भन्न नसक्ने उनको भनाइ छ । परीक्षामा सबैले आफूले सोचेको जस्तो नतिजा आउन नि सक्ने नआउन नि सक्छ– लामा भन्छन् ।

सेलिब्रेटि भएका कारण र आफ्नो विद्यालयको विद्यार्थी भएका कारण उनको रिजल्ट हेर्न आफूहरु आतुर भएको प्रधानाध्यापक लामाले बताए ।