काठमाडौं- स्टार फरवार्ड मोहम्मद सलाहले खेलको दोस्रो गोल गर्दा इजिप्ट अफ्रिका कप अफ नेसन्सको अन्तिम १६ मा प्रवेश गरेको छ ।

इजिप्टमा जारी खेलको समूह चरणको अन्तिम खेलमा बिहीबार बिहान इजिप्टले डिआर कङ्गोलाई पराजित गर्दै अन्तिम १६ पक्का गरेको हो ।

इजिप्टले कङ्गोलाई २–० गोल अन्तरले पराजित गरेको हो । खेलको पहिलो हाफमै दुई गोल गरेको इजिप्ट अन्तिम १६ मा पुग्दा दोस्रो हाफभर पनि इजिप्टविरुद्ध गोल फर्काउन असफल रहेको कङ्गो समूह चरणबाटै बाहिरिएको छ ।

कङ्गोविरुद्ध इजिप्टका अहमद एलमोहमदीले खेलको २५ औं मिनेटमा गोल गर्दै टिमलाई अग्रता दिलाएका थिए भने सलाहले खेलको ४३ औं मिनेटमा गोल गर्दै टिमलाई दोहोरो अग्रता दिलाउँदा उनको उक्त गोल नै टिमको जितका लागि निर्णायक बन्यो । अब अन्तिम १६ मा इजिप्टले नाइजेरियासँग खेल्नेछ ।