काठमाडौं–महानगरीय ट्राफिक प्रहरी महाशाखाले चोरीका १७ मोटरसाइकलसहित तीन जालाई पक्राउ गरेको छ ।

उपत्यकाका ठमेल, नैकाप, बौद्ध, ताल्छिखेल, अनामनगर, बालाजु, भक्तपुर, गौशाला, सोह्रखुट्टेलगायत स्थानबाट चोरी भएका मोटरसाई प्रहरीले नियन्त्रणमा लिई सवारी धनीलाई बुझाएको छ ।

चोरीका मोटरसाइकल खोजी गर्ने क्रममा ट्राफिक प्रहरीले चोरीमा संलग्न तीन जनालाई पक्राउ गरेको महाशाखाका प्रहरी उपरीक्षक तथा प्रवक्ता रविकुमार पौडेलले जानकारी दिए ।

महाशाखाका अनुसार सबिना तामाङ, गणेश खकुरेल, प्रकाशमान सिंह, भीमप्रसाद दुलाल, तारा भण्डारी, अमित ठकुरी, राजाराम थापा, सुमन राना, सकिन खड्गी, प्रवीण सुवेदीलगायतलाई मोटरसाइकल जिम्मा लगाएको हो ।

चालू आवमा हराएका ११८ मोटरसाइकल फेला पारी धनीलाई जिम्मा लगाएको महाशाखाले जनाएको छ ।