काठमाडौं– नेपाल राष्ट्र बैंकले सहायक निर्देशकसहित ६७ जना कर्मचारीका लागि विज्ञापन आह्वान गरेको छ ।

केन्द्रीय बैंकले सूचना जारी गर्दै प्रशासनतर्फ २८ जना सहायक निर्देशक (अधिकृत तृतिय) र लेखातर्फ सहायक निर्देशक (अधिकृत तृतीय), लेखा परिक्षणतर्फ ८ जना र सहायक (सहायक द्वितीय) मा ३१ जना कर्मचारी माग गरेको हो ।

कात्तिक २८ गतेसम्म आवेदन दिनुपर्ने समय तोकेको बंैकले सहायक निर्देशकका लागि २१ वर्ष पूरा भई ३५ वर्ष ननाघेका वाणिज्यशास्त्र, अर्थशास्त्र र व्यवस्थापन वा जनप्रशासनमा स्नातकोत्तर पास गरेको हुनुपर्नेछ ।

त्यस्तै लेखा र लेखापरीक्षणका लागि सीए, एसीसीए वा सीपीए गरी मान्यताप्राप्त विश्वविद्यालयबाट स्नातकोत्तर गरेका २१ देखि ३५ वर्षसम्मका कर्मचारी माग गरिएको छ ।

सहायक द्वितीयका लागि १८ वर्ष पूरा भएका, ३५ वर्ष ननाघेका र १२ कक्षा उत्तिर्ण गरेको हुनुपर्नेछ । तर महिलाको हकमा भने ४० वर्षसम्मको उमेर हद तोकिएको छ ।