काठमाडौं–सरकारलाई आन्तरिक सुरक्षासँग सम्बन्धित सूचना उपलब्ध गराउने जासुसी संयन्त्र कमजोर देखिएको नागरिक दैनिकमा खबर छ । आन्तरि सुरक्षासँग सम्बन्धित सूचना संकलन गर्न नेपाली सेना, नेपाल प्रहरी, सशस्त्र प्रहरी र राष्ट्रिय अनुसन्धान विभागबाट परिचालित हुने जासुसी संयन्त्र कमजोर देखिएका हुन् । आन्तरिक सुरक्षासँग सम्बन्धित सूचना गृहमन्त्रालय र मातहतका सुरक्षा निकायलाई प्रवाह गर्नुपर्ने अनुसन्धान विभागले प्रधानमन्त्री कार्यालयमा एक सहसचिवलाई रिपोर्टिङ गरेर आफ्नो जिम्मेवारी पूरा गरिरहेका छन् ।

कांग्रेसमा गुट बलियो बनाउने होड शीर्षकको अर्को समाचारमा प्रमुख प्रतिपक्षी दल नेपाली कांग्रेसका शीर्ष नेताहरु पार्टीको १४ औ अधिवेशनलाई आआफ्नो पक्षमा पार्ने रणनीतिमा जुटेका छन् । सभापति देउवा र नेता रामचन्द्र पौडेलले एकताको सन्देश दिएको दुई महिना बित्न नपाउँदै नेताहरु गुटगत स्वार्थ रक्षाखातिर फेरि विभाजित बन्न पुगेका छन् ।

हावाबाट बिजुली उज्यालिँदै गाउँबस्ती शीर्षकको समाचारमा पाल्पाको निस्दी गाउँपालिका ४ मित्यालमा हावा र सौर्य शक्तिबाट विद्युत उत्पादन गरिएको छ । जसका कारण स्थानीय गाउँ झिलिमिलि भएका छन् ।