काठमाडौं – हङकङका तीनजना क्रिकेट खेलाडीमाथि अन्तर्राष्ट्रिय क्रिकेट परिषद् (आईसीसी) ले प्रतिबन्ध लगाएको छ।

आईसीसीले सोमबार एक विज्ञप्ति जारी गर्दै हङकङ राष्ट्रिय टोलीका क्रिकेटर इरफान अहमद र नादेम अहमेदलाई क्रिकेटमा आजिवन प्रतिबन्ध लगाउँदा हसिब अमजादलाई ५ बर्षको प्रतिबन्ध लगाएको हो ।

आईसीसीले तीनै जनालाई म्याच फिक्सिङमा संलग्न भएको भन्दै क्रिकेटमा प्रतिबन्ध लगाउने निर्णय गरेको हो । आईसीसीको एन्टी–करप्सन ट्रिव्युनलले उनीहरुलाई म्याच फिक्सिङ गरेको प्रमाणित गरेपछि कारबाहीमा परेका हुन् ।

यी तीनैजना खेलाडीले पछिल्लो २ बर्षमा निश्चित अन्तर्राष्ट्रिय खेलमा फिक्सिङ गर्दै आइरहेको उल्लेख गर्दै आईसीसीले एन्टी करप्सन कोर्ट अन्तरगत कारबाही गरेको हो ।