काठमाडौं – इंग्लिस प्रिमियर लिग क्लब आर्सनलले स्पेनका मिडफिल्डर डानी सेबालोसलाई लोनमा अनुबन्ध गरेको छ । आर्सनलले स्पेनिस महारथि रियल मड्रिडबाट सेबालोसलाई लोनमा लिएको हो ।

स्पेनको यू–२१ राष्ट्रिय टोलीका कप्तानी समेत गरिरसकेका सेबालोसलाई आर्सनलले एक सिजनको लागि लोनमा अनुबन्ध गरेको हो ।

स्पेनको राष्ट्रिय टिमबाट ६ खेल खेलिसकेका सेबालोसले १ गोल गरिसकेका छन् । यस्तै रियलबाट ३५ खेलमा ५ गोल गरेका छन् । २२ वर्षे सेबालोसले आर्सनलमा ८ नम्बरको जर्सी लगाउने छन् ।

यस्तै आर्सनलले फ्रान्सका १८ बर्षे डिफेन्डर विलियम सालिबालाई पनि अनुबन्ध गरेको छ । आर्सनलले उनलाई फ्रेन्च क्लब सैन्ट इटिनेबाट अनुबन्ध गरेको हो ।

रियल आफै पनि विश्व चर्चित खेलाडी अनुबन्ध गरिरहेको छ । केही समय अगाडि चेल्सीका इडन हर्जाडलाई आवद्ध गरेको रियल यतिबेला म्यान्चेस्टर युनाइटेडका पाउल पोग्वालाई क्लबमा भित्र्याउने लक्ष्यमा छ ।