काठमाडौं– भारत मध्य प्रदेशको सिवानी जिल्लाको एक गाउँमा गोरक्षक(गाई रक्षक)ले एक महिलासमेत तीन जनालाई निर्घात कुटपिट गरेका छन् । जसले गर्दा त्यस क्षेत्रमा ठूलै हलचल ल्याएको छ ।

सिवानी जिल्ला डुंगा सिवानी थानाका प्रहरीका अनुसार ४ दिन पहिला विहान बघेलमा चार पाँच साथिका साथ तीन मानिसलाई मासु लैजादै गरेको अवस्थामा पक्राउ गरिएको थियो ।

पक्राउ परेका उनीहरुलाई गोरक्षक समूहका सदस्यले पहिला निर्घात कुटपिट गरेका थिए र पछि प्रहरीलाई खबर गरेका थिए । घटनास्थल पुगेको प्रहरीले मासु लैजादै गरेका तीन व्यक्तिलाई नियन्त्रणमा लियो र उनीहरु विरुद्ध केस दर्ता गर्दै अदातमा पेश गरेको थियो ।

सिवानी चौकिका प्रहरी अधिकारी गोपाल खंडेलका अनुसार दिलीप मालवीय , अन्जुम तरा तोसिफ खान विरुद्ध अवैध रुपमा गाइको मासु ओसारपसार गरेको आरोपमा केस दर्ता गरिएको छ ।

उनीहरुलाई मध्य प्रदेशको गोवंश नियमका आधारमा गिरफ्तार गरिएको र हिरासतमा राखिएपछि अदालतमा पेश गरिएको थियो । अदालतले उनीहरुलाई जेल पठाउने फैसला गरेको थियो ।

उनीहरुका एक साथी शकील अहिले पनि फरार छन् । मासुको नमूना जाँचका लागि हैदराबादस्थित ल्यावमा पठाइएको उनले जानकारी दिए ।

तर पक्राउ परेर अहिले जेलमारहेका हरुको परिवारजनले भने आफ्ना परिवारका सदस्यहरुलाई फसाउन खोजेको आरोप लगाएका छन् ।
उनीहरुले आफ्ना मान्छेलाई फसाउन खोजेको र कुटपीट गरेको भन्दै गोरक्षकविरुद्ध प्रहरीमा उजुरी दिएका छन् ।

मारपीटका मुख्य अभियुक्त शुम बघलकी आमा आशा बघल आफ्नो छोरामाथि लागेको आरोप अस्वीकार गर्छिन् । उनले यो घटनामा प्रहरी मासु तस्करहरुसँग मिलेको उनको आरोप छ । विहान मासु सहित तस्करहरुलाई नियन्त्रणमा लिइएको थियो तर प्रहरीले पैसा लिएर उनीहरुलाई भगाएको छ र नियन्त्रणमा लिन सहयोग गर्नेलाई उल्टै दुःख दिइएको छ ।

सिवानीका अतिरिक्त प्रहरी अधिकारी गोपाल खंडेलले बीबीसीलाई बताए अनुसार सिवानी जिल्लामा हरेक महिना आठ देखि १० ट्रक गाई पक्राउ हुने गरेको छ । जसलाई मध्य प्रदेशको धेरै जिल्लाबाट ल्याएर गोवंश सिवानीको बाँटो हुँदै महाराष्ट्रको नागपुर र अन्य जिल्ला पठाइने गरिएको छ ।

पछिल्लो केही समय देखि भारतमा गाईको मासुका कारण हिंसाका घटना हुने गरेका छन् । हिन्दू अतिवादी र गोरक्षकहरुले गाईको मासु बेचबिखन गरेको भन्दै केही मुस्लिमहरुलाई आक्रमण गरेका छन् भने कतिपयले गोरक्षकको नाममा केही व्यक्तिले नै पैसाका लागि गाईको मासु बिक्रीवितरण गरिरहेको आरोप लागेको छ । यो प्रकरणमा प्रहरीको समेत संलग्नता हुने गरेको स्थानीयको आरोप छ ।