काठमाडौं- प्रहरीले मोटरसाइकल चोरीमा संलग्न रहेको आरोपमा काठमाडौंका विभिन्न स्थानबाट ९ जनालाई पक्राउ गरेको छ। उनीहरुको साथबाट ४० वटा मोटरसाइकल समेत बरामद गरिएको प्रहरीले जनाएको छ ।

पक्राउ पर्नेमा मदनकुमार मोक्तान, सन्देश गोले, सोम सुनार, गणेश लामा, रिक्जेन मोक्तान, सन्दीप गुरुङ, भरत थापा क्षेत्री, इन्द्रबहादुर तामाङ, विक्रम भुजेल, राजु पौडेल, सबिन तामाङ र समिर तामाङ छन्।

मोटरसाइकल चोरी नियन्त्रणको लागि महानगरीय प्रहरी वृत्त कीर्तिपुरबाट खटिएको प्रहरीले गत मंसिर १४ गते मदन कुमार मोक्तानसहित तीन जनालाई पक्राउ गरेको थियो ।

उनीहरुबाट बा९४प ११४२ नम्बरको मोटरसाइकल बरामद गरेको थियो। थप अनुसन्धानको क्रममा बुधबार थप अन्य व्यक्तिहरूलाई समेत प्रहरीले नियन्त्रणमा लिएको हो ।

उनीहरूको साथबाट बा९४प ३६४५, बा७५प १७९४, बा६७प ६३६१, ज७प १५०६, बा८४प १०३३, बा९३प ३८४३, बा८०प ११३८ र बा५९प २०५६ नम्बर लगायत ४० वटा मोटरसाइकल प्रहरीले बरामद गरिएको प्रहरीले जनाएको छ ।