एजेन्सी–चेलसीलाई पेनाल्टी सुटआउटमा पराजित गर्दै कारवाओ कपको उपाधि म्यानचेष्टर सिटीले जितेको छ । चेल्सीलाई पेनाल्टी सुटआउटमा ४—३ गोल अन्तरले परजित गर्दै सिटीले उपाधि उचालेको हो ।

सिटीका लागि रहिम स्टर्लिङले विजयी गोल गरेका थिए ।

चेल्सी प्रशिक्षक माउरिजियो सार्रीले पेनाल्टी खेल सुटआउट गएपछि गोलकिपर केपा अरियाजाबालागालाई परिवर्तन गर्न खोजेका थिए । तर, उनले प्रशिक्षकको योजनालाई अस्वीकार गरे ।

प्रशिक्षक सरीले विलि काबालेरोलाई मैदान प्रवेशको अनुमति दिएपनि गोलकिपर अरियाजाबालागाले नछाडेपछि उनी नै पेनाल्टी मैदानमै रहेका थिए ।

७१ मिलियन पाउण्डका कीर्तिमानी स्पेनिस गोलकिपरलाई प्रशिक्षक सार्रीले विली काबालेरोसंग स्थानान्तर गर्न खोजेका थिए । जसले सन् २०१६ मा उपाधि जित्न उनले लिभरपुविरुद्व म्यानचेष्टर सिटीबाट तीन पेनाल्टी रोकेका थिए ।

चेल्सीका जोर्जिन्होको प्रहार सिटी गोलकिपर एडरसनले रोकेका थिए भने डेविड लुईजको प्रहार पोस्टमा लागेर विफल भएको थियो ।