एजेन्सी–इङ्ग्लीस प्रिमियर लिगमा आइतबार राति म्यानचेस्टर युनाइटेडसँग बराबरी खेले पछि लिभरपुल शीर्ष स्थानमा उक्लिएको छ । वल्र्ड ट्राफोडमा भएको खेलमा लिभरपुलले घरेलु टोलीसँग बराबरी खेल्यो ।

लिगमा २७ खेल खेलेको म्यानचेस्टर सिटी र २६ खेल खेलेको लिभरपुलको समान ६५ अंक रहेको थियो । त्यस्तै, युनाइटेडसँग २७ औं खेलमा अंकबाडेपछि लिभरपुल ६६ अंकसहित दोस्रो स्थानको सिटीसँग १ अंककोे साँघुरो अग्रता बनाएको हो ।

युनाइटेडलाई आइतबार राति भएको अर्को खेलमा आर्सनलले साउथ ह्यामटनलाई पराजित गर्दै शीर्ष चौथो स्थानमा उक्लिएपछि पाँचौ स्थानमा झरेको हो ।

ओले गनर सोल्सायर आएपछि लगातार जीत निकाल्दै प्रिमियर लिगमा स्तर सुधारेको युनाइटेडका लागि आइतबारको खेलमा खेलाडी इनजुरीले सताएको बीबीसीले उल्लेखगरेको छ । जसमा युनाइटेडले खेलको २५ औं मिनेटमा जेसस लिङ्गार्ड घाइते भएपछि विजारे मैदान प्रवेश गरेका थिए ।

त्यस्तै, लिभरपुलका लागि युनाइटेडका गोलकिपर डेभिड डे गियाले रोक्दा गोल हुननसकेको उल्लेख गरिएको छ । लिभरपुलसँग अंक बाडेको युनाइटेडको ५२ अंकसहित पाँचौ स्थानमा रहेको छ ।