काठमाडौं–काठमाडौं महानगरपालिकाले ३ वटा वडाहरुमा आजबाट फोहोर व्यवस्थापनका लागि नयाँ योजना शुरु भएको छ ।

महानगरपालिका अन्तर्गतको वातावरण व्यवस्थापन विभागले यो योजनाको सुरुवात गरेको हो । उपत्यकामा उत्सर्जन हुने फोहोरमैला जथाभावी सडकमा आउने गरेकाले त्यसलाई हटाउनका लागि यो योजना ल्याएको विभागले जनाएको छ।

महानगरले यसअघि फोहोर कुहिने र नकुहिने फोहोर संकलन गर्ने र ल्याण्डफिल साइट लैजाने गरेको थियो । विभागका अनुसार अब घरमै कुहिने र नकुहिने फोहोर संकलन गर्नुपर्नेछ ।

पहिलो चरणमा महानगरका १२, १८ र २१ वडामा हाउस होल्ड फोहोर संकलन प्रणाली लागु गरिएको र अन्य वडामा पनि सविस्तार गर्ने योजना रहेको विभागका प्रमुख हरिकुमार श्रेष्ठले खबरहबलाई जानकारी दिए ।

‘हप्तामा चार दिन कुहिने फोहोर संकलन गरिन्छ’ उनले भने ‘अन्य दुइ दिन नकुहिने फोहोर संकलन गरिन्छ’ ।

कुहिने फोहोर संकलन हुने बारहरु :

आइतवार, मंगलवार, बिहीवार र शनिवार ।

नकुहिने फोहोर संकलन हुने बारहरु :

सोमवार, शुक्रवार र बुधवार ।