काठमाडौं–  रियल मड्रिडले क्लब छाड्न दबाब दिइ रहँदा स्टाइकर ग्यारेथ बेलको भविष्य के हुने भन्ने अहिलेसम्म अनिश्चित रहेको छ । यद्यपी रियलका प्रशिक्षकले उनलाई आर्सनलविरुद्धको खेलमा मैदान उतारे पनि उनी क्लबको रोजाइमा नरहेको उनले यसअघि नै बताइसकेका छन् ।

बेललाई प्रि–सिजनमा पहिलो रोजाइमा मैदान उतारेका जिदानले उनलाई क्लब छाड्ने तयारीमा लाग्न भनिसकेका छन् । बेल अझै पनि जिदानको रोजाइमा नपर्ने भएकाले अहिले जिदानले पत्रकारको एउटा प्रश्न नियमित खेपिरहेका छन् । जुन हो, नम्बर ११ मा को उत्रिन्छ मैदानमा ?

‘तपाईं सधैँ यही प्रश्न गर्नु हुन्छ । म त्यही उत्तर दोहोर्‍याछु,’ आर्सनललाई पराजित गरेपछि जिदानले भने,‘उनी बाँकी धेरै दिन क्लबबाट खेल्दैनन् । आज राम्रो खेल्दा म उनलाई लिएर आज खुसी छु ।’