काठमाडौं –केही समय अगाडिमात्रै बार्सिलानामा आवद्ध भएका एन्टोइन ग्रिज्म्यानलाई कारबाही गर्न सक्ने ला लिगाका अध्यक्ष जाभिएर टेवासले बताएका छन् ।

पूर्व क्लब एट्लेटिको मड्रिडले बार्सिलोनाले धेरै रकम खर्चेर ग्रिज्म्यानलाई आवद्ध गरेको भन्दै बार्सिलोनाविरुद्ध ला लिगामा उजुरी दिएको थियो ।

ग्रिज्म्यानका लागि बार्सिलोनाले १ सय २० मिलियन युरो खर्च गरेको थियो भने उक्त रकम उसको निर्धारीत मूल्य भन्दा धेरै भएको एट्लेटिकोको दावी छ । ग्रिज्म्यानलाई २०० मिलियन युरो दिने बताएको बार्सिलोानले अन्तिममा १ सय २० मिलियन युरो मात्रै दिएको थियो ।

‘यी खेलाडीको सरुवा रोक्का पनि हुन सक्छ,’ टोवासले भने,‘ला लिगाले कस्तो निर्णय गर्ने भन्नेमा निर्भर छ ।’

नव प्रवेशी खेलाडी ग्रिज्म्यानले बार्सिलोनाबाट चेल्सीविरुद्धका २ मैत्रिपूर्ण खेल खेलिसकेका छन् । जापानका भएको उक्त मैत्रित्रपूर्ण खेलमा बार्सिलोनाले २–१ ले जीतेको थियो ।