दाङ- दाङमा चट्याङ लागेर तीन जनाको ज्यान गएको छ । मंगलबार साँझ करिब साढे ६ः०० बजेतिर परेको चट्याङले राप्ति  तीन जनकाे ज्यान गएको प्रहरीले जनाएको हो ।

मौरीघाट गाउँपालिका–३ निवासी ११ वर्षीय रमीत चौधरी, ११ वर्षकै विनास चौधरी र १३ वर्षीय साजन चौधरीको चट्याङले निधन भएको जिल्ला प्रहरी कार्यालयले जानकारी दिएको हाे । प्रहरी नायब उपरीक्षक विनोदविक्रम शाहका अनुसार राप्ति–४ स्थित मौरीघाट मावि छेउमा रहेको जामुनको रुपमा चढेका बेला सोही रुखमा परेको चट्याङले तीनै जनाको घटनास्थलमै ज्यान गएको हो ।

साथै सोही रुखमा चढेका विनासका भाई आठ वर्षीय अविनास चौाधरी भने गम्भीर घाइते भएका छन् । उनको स्थानीय स्वास्थ्य संस्थामा उपचार भइरहेको प्रहरीले जनाएको छ ।