सुर्खेत– जिल्ला शिक्षा विकास तथा समन्वय एकाइका प्रमुख धनबहादुर वली घुस लिएको अभियोगमा पक्राउ परेका छन् ।
कार्यकक्षमै सेवाग्राहीबाट घुस रकम लिँदै गर्दा प्रमुख वलीलाई अख्तियार दुरुपयोग अनुसन्धान आयोग सुर्खेतको टोलीले रङ्गेहात पक्राउ गरेको हो । शिक्षक सरुवाको विषयलाई लिएर एक शिक्षकबाट रु २५ हजार घुस लिँदै गर्दा रकमसहित उनलाई पक्राउ गरिएको अख्तियार दुरुपयोग अनुसन्धान आयोगका सूचना अधिकृत मेघनाथ सापकोटाले जानकारी दिए ।
प्रमुख वलीलाई सबै प्रक्रिया पूरा गरिसकेपछि विशेष अदालतमा मुद्दा दायर गरिने उनले जानकारी दिए ।
प्रतिक्रिया