अछाम– विप्लव नेतृत्वको नेपाल कम्युनिस्ट पार्टीले आह्वान गरेको नेपाल बन्दको पूर्वसन्ध्यामा अछामका दुई वटा वडा कार्यालयमा भएको आगजनीबाट भौतिक सामग्री जलेर नष्ट भएका छन् ।

जिल्लाको पन्चदेवल विनायक नगरपालिका ३ र ढकारी गाउँपालिका ५ को वडा कार्यालयमा गएराति अज्ञात समूहले आगजनी गरेको प्रहरीले जनाएको छ। पन्चदेवल बिनायकको ३ नम्बर वडा कार्यालयमा भएको आगजनीबाट १ थान कम्प्युटर, प्रिन्टर, २ वटा रिभल्बिङ कुर्सी, टेबुल लगायत कागजात जलेर नष्ट भएको प्रहरीले जनाएको छ ।

आगलागीबाट ढकारी गाउँपालिका ५ को वडा कार्यालयमा भएको क्षतिबारे विस्तृत विवरण आउन बाँकी रहेको छ । बन्दलाई लक्षित गरी विप्लव नेकपाले वडा कार्यालयमा आगजनी गरेको हुनसक्ने प्रहरीले जनाएको छ ।

तस्वीर- दिनेशखबरबाट