काठमाडौं- बिरामीमाथि बलत्कार प्रयासको आरोप लागेका मेडिसिटी अस्पतालका डाक्टर रोहित प्रसाद झालाई अस्पतालले निलम्बन गरेको छ ।

बिरामीमाथि बलत्कार प्रसास गरेको उजुरी परेपछि अस्पतालले सोमबार उनलाई निलम्बन गरेको अस्पतालकी प्रेस संयोजक मनिता पोखरेलले खबरहबलाइ बताइन् ।

‘हिजो बेलुका नै यो विषयमा कुरा आएको थियो । बिरामी महिलाले संस्थाको ‘थ्रु’ बाट गुनासो गरेपछि उहाँ हिजो बेलुका नै सस्पेन्सनमा पर्नुभएको थियो , उनले भनिन्,  ‘आज प्रहरीले पक्राउ नै गरेपछि अस्पतालले निलम्बन गरिसक्यो ।’

पीडित महिलाले एक संस्थामार्फत गुनासो गरेकाले उनको विषयमा कुनै जानकारी नभएको पोखरेल को भनाइ छ । जनरल फिजिसियन डा झा डेढ महिना अघि मात्र मेडिसिटि हस्पिटलमा काम गर्न पुगेका थिए ।