धनुषा– धनुषाको कमला नगरपालिकामा हेलिकोप्टर चार्टर्ड गरी बालविवाह गरिएको छ । विवाह शनिवार भएको हो ।

प्रदेश नम्बर २ स्थित धनुषाको कमला नगरपालिका वडा नम्बर -४ बल्हा सघारा हेलिकोप्टर अवतरण गरिएको थिए । प्रभु एअरको आर ६६ टरवाइन हेलिकप्टरमा दुलहा उनका बुवा र दुई जन्तीसहति बेहुलीको घर पुगेका थिए ।

१६ वर्षीया बेहुली सबनम कवारीको विवाहका लागि बुवा सतार कवारीले ज्वाइँ र जन्तीका लागि हेलिकोप्टर चार्टड गरेका थिए । विवाह सकिएपछि साँझ चार बजे हेलिकोप्टर सिरहा खुसीपुर नगरपालिका लर्कन्हाका लागि उडेको स्थानीयले बताएका छन् ।

बाल विवाहमा वडा नम्बर ४ का वडा अध्यक्ष विवाहमा वडाध्यक्ष पल्टु कबारी, बल्हा प्रहरी चौकी इञ्चार्ज असई गणेश दनुवार, दुब्बरकोट सशस्त्र प्रहरी वेस क्याम्पका हवल्दार रञ्जित दनुवार पनि उपस्थित भएका थिए ।

बालविवाह भइरहेपनि सुरक्षा निकाय र जनप्रतिनिधले रोक्ने कुनै प्रयास गरेन् । वडा अध्यक्ष कबारीले भने आफूलाई बालविवाह भन्ने थाहा नभएको बताए । विवाहको निम्तो आएका कारण आफू उपस्थित भएको उनको प्रतिक्रिया थियो ।

प्रदेश नम्बर दुईमा बालविवाह सामाजिक समस्याको रुपमा रहेको छ । बालविवाह रोक्नका लागि विभिन्न प्रयास हुने गरेपनि रोकिएको भने छैन ।