नुवाकोट– नेपाली कांग्रेसका नेता डा शेखर कोइरालाले नेताहरुले मन्चबाट हात हल्लाएर भाषण गर्दैमा पार्टी भित्रको गुटबन्दी अन्त्य नहुने बताएका छन् ।

नेपाली कांग्रेसको दोस्रो चरणको जागरण अभियानको समापन कार्यक्रमलाई नुवाकोटको बिदुरमा सम्बोधन गर्दै डा कोइरालाले नेताहरुको कार्यशैलीमा परिवर्तन नआएसम्म पार्टी भित्रको तिक्तता नमेटिने बताएका हुन् ।

निर्वाचनको टिकट वितरणमा पार्टीबाट गल्ती र कमि–कमजोरी भएको स्वीकार गर्दै डा कोइरालाले अबका दिनमा कार्यकर्तामाथित त्यसखालका अन्याय हुन नदिने बताए ।

कोइरालाले १४औं महाधिवेशन पछि पार्टी भित्रको गुटबन्दी र भागबण्डाको राजनीति अन्त्य हुने पनि बताए ।

कार्यक्रममा कांग्रेस केन्द्रीय सदस्य बहादुरसिंह तामाङ्, नुवाकोट कांग्रेसका सभापति जगदिश्वर नरसिंह केसी, पूर्व सांसद डा शोभाकर पराजुली, जागरण अभियानका लागी नुवाकोटका लागी खटिइएका प्रतिनीधीहरु लगायतले मन्तव्य राखेका थिए ।