काठमाडौं– नेपाली राष्ट्रिय टोलीका लेग स्पिनर सन्दीप लामिछानेले सीपीएलमा शानदार प्रदर्शन गरेका छन् ।

सन्दीप सामेल टिम बार्बाडोस ट्रिडेन्टले क्यारेबियन क्रिकेट लिग (सीपीएल) क्रिकेटमा अहिले जमैका तालेवाजविरुद्ध प्रतिस्पर्धा गरिरहेको छ ।

जारी खेलमा सन्दीपले जमैकाविरुद्ध किफायती बलिङ गरे । ४ ओभर बलिङ गरेका सन्दीपले १७ रन खर्चेर २ विकेट लिन सफल भए । योसँगै सन्दीपले यस सिजन ६ खेलमा ८ विकेट हात पार्न सफल भएका छन् ।

ब्रिजटाउनमा जमैकाले बार्बाडोसलाई जित लागि १२८ रनको लक्ष्य दिएको छ । जमैकाका लागि ग्लेन फिलिप्सले ४१ रन बनाए । यस्तै रामेल लेविसले २७ रन जोडे ।

सीपीएलमा सन्दीपको यो खेल अन्तिम खेल हुनेछ । यस खेलपछि सन्दीप राष्ट्रिय टिममा सामेल हुन सिंगापुर आउने छन् ।