आजको राजधानी दैनिकले ललितपुरको नख्खुस्थिति एनसेल मुख्यालयमा शुक्रबार साँझ अज्ञात समूहले बम विस्फोट गरायो । विस्फोटमा तीन सर्वसाधरण घाइते भएकामा शनिबार एक जनाको निधन भयो ।
बम विस्फोटको त्रासले सर्वासाधारणको भीड लागको थियो । तर उद्धार गर्न कोही अगाडि सरेका थिएनन् । केही ढिलो गरी आएको प्रहरी पनि घाइतेको उद्धारभन्दा पनि मुचुल्का उठाउन लागे । मुचुल्का उठाउन १० मिनेट लाग्यो । ततपश्चातमात्र उपचारका लागि घाइतेहरुलाई अस्पताल लगिएको थियो । त्यसैले घाइतेहरुको पहिले उद्धार कि मुचुल्का भन्ने आम सर्वसाधारणले गुनासो पोखेका छन् ।
त्यस्तै आजको राजधानीले संघीयता विरोधी प्रशासन कानून सच्याइँदै शीर्षकमा अर्को समाचार पहिलो पृष्ठमा छापेको छ । संघीय सरकारको स्थायी प्रशासन कमान्ड गर्ने मुख्य कानून नै संघीयता विरोधी हुने देखिएपछि सरकारले प्रस्तावित विधेयकका प्रावधान सच्याउने भएको छ ।
त्यस्तैगरी विदेशस्थित नेपाली दूतावास, स्थायी नियोग र महावाणिज्य दूतावासका लागि आफ्नै भवत खरिद पहिलो प्राथमिकता भए पनि घर भाडा नै बढी प्राथमिकता दिएको पाइएको छ । घरभाडा खर्च ८ वर्षको अन्तरमा झण्डै साढे दुई गुणाले बढेको देखिएको पछि भवन खरिद होइन घरभाडामै मोह बढेको आशयको समाचार छापेको छ ।
त्यस्तै राजधानी दैनिकले शिक्षामा विकृतिको चाङ शीर्षकमा सम्पादकीय लेखेको छ । जुन मुलुकमा शिक्षामा विकृतिका चाङ हुन्छ, त्यो मुलुकले कसरी विकास र प्रगति हासिल गर्न सक्ला ? यस्तै प्रश्नले अहिले सिंगो मुलुक र जनालाई पिरोलिरहेको छ । यहाँ शिक्षामा मात्रै होइन, सवै क्षेत्रमा विकृतिको चाङ बेग्रेल्ती देखिन्छ ।
त्यस्तै पत्रिकाले उपत्यकामा अब स्मार्ट यात्रु प्रतीक्षालय शीर्षकमा दोस्रो पृष्ठमा समाचार छापेको छ ।
कस्तो हुनेछ स्मार्ट प्रतिक्षालय ? यो पनि
प्रतिक्रिया