एजेन्सी– नरेन्द्र मोदी सरकारको पहिलो कार्यकालमा वित्त(अर्थ) मन्त्री रहेका भारतीय जनता पार्टीका वरिष्ठ नेता अरुण जेटलीको निधन भएको छ ।

६७ वर्षीय जेटलिनको शनिवार निधन भएको हो ।

विगत ९ महिनादेखि अरुण जेटली एम्समा उपचार गराइरहेका थिए । एम्सका प्रवक्ता आरती विजले जारी गरिएको प्रेस वक्तव्यमा जेटलीको शनिवार दिउसो १२ बजेर सात मिनेटमा अन्तिम स्वास लिएको उल्लेख गरिएको छ ।

स्वास लिन समस्या भएपछि जेटलीलाई नयाँ दिल्लीको अखिल भारतीय आयुर्विज्ञान संस्थान(एम्स) मा भर्ना गरिएको थियो । उनलाई आईसीयूमा राखेर उपचार गरिएको थियो ।

यस वर्ष जेटलीले प्रधानमन्त्री मोदीलाई एक पत्र लेखेर स्वास्थ्यका कारण आफूले सरकारमा कुनै जिम्मेवारी नलिने बताएका थिए ।  जेटलिको निधनपछि भारतीय प्रधानमन्त्री नरेन्द्र मोदीले आफूले एक असल मित्र गुमाएको उल्लेख गरेका छन् ।