रौतहट– भारतले नेपालको सीमावर्ती इलाका(दसगजा) मा बनाउँदै गरेको बाँधको निर्माण कार्य तुरुन्त रोक्न सांसद प्रभु साहले माग गरेका छन् ।

रौतहट जिल्लासँग जोडिएको दसगजा क्षेत्रमा भारतीय पक्षले सडकको नाम दिई अग्लो बाँध बनाइरहेको भन्दै सांसद साहले आपत्ति जनाएका हुन् ।

कुटनीतिक पहल गरी उक्त बाँध निर्माण कार्य तत्काल रोक्न साहले सरकारसँग माग गरेका छन् ।

पछिल्लो समय दसगजा क्षेत्रमा बनाइएको बाँधकै कारण नेपाली भूमी डुबानमा पर्दै आएको भन्दै सांसद साहले नेपालीले थप पीडा पाउने गरि निर्माण हुने कुनै पनि संरचना सह्य हुन नसक्ने बताए ।

नेपाल र भारत दुबै पक्षबीच कुटनीतिक संवाद गरी दसगजा क्षेत्रबाट बाँध हटाउनुपर्ने सांसद साहको भनाइ छ ।