काठमाडौं– सरकारले पाकिस्तानमा गत माघमा भएको अन्तर्राष्ट्रिय नेत्रहीन महिला क्रिकेट सिरिज जितेको नेपाली नेत्रहीन क्रिकेट टोलीलाई नगदसहित सम्मान गरेको छ ।
युवा तथा खेलकुद मन्त्रालयले बुधवार सिंहदरबारमा कार्यक्रम आयोजना गरी नेत्रहीन क्रिकेट टोलीलाई सम्मान गरेको हो ।
नेपालले पाकिस्तानलाई उसैको मैदानमा ४–० ले पराजित गर्दै ५ खेलको सिरिज जितेको हो । एक खेल भने बर्षाका कारण रद्द भएको थियो ।
युवा तथा खेलकुद मन्त्री जगत बहादुर सुनार विश्वकर्माले १५ खेलाडी र ७ अफिसियललाई चेक र प्रमाणपत्रबाट सम्मान गरेका हुन्।
१५ खेलाडीलाई ५०–५० हजार र अफिसियललाई २५–२५ हजारबाट सम्मान गरिएको हो।
प्रतिक्रिया