काठमाडौं- आईसीसी टि–२० विश्वकप छनोट एसिया फाइनलमा नेपालले आफ्नो दोस्रो खेलमा मलेसिया विरुद्ध टस जितेर फिल्डिङ रोजेको छ ।

इन्डियन एसोसियसन मैदानमा हुने खेल बर्षाका कारण प्रभावित भएपछि खेल ९ ओभरमा झारिएको छ । आजको खेलमा कप्तान पारस खड्का टिमबाहिर छन् । खड्का टिममा नरहँदा नेपाली टोली ज्ञानेन्द्र मल्लको कप्तानीमा मैदान उत्रिएको छ।

यस्तै, आजको खेलमा नेपाली टोलीमा २ जना खेलाडी परिवर्तन भएका छन् । कप्तान खड्का चोटका कारण मैदान बाहिर रहँदा स्पिनर ललित नारायण राजवंशी भने प्लेइङ ११ मा अटाएका छैनन्।

आजको खेलमा खड्का र राजवंशीको स्थानमा रोहित कुमार पौडेल र प्रदिप ऐरीले मैदान प्रवेश पाएका छन् ।

नेपालको प्लेइङ ११ मा कप्तान ज्ञानेन्द्र मल्ल, रोहितकुमार पौडेल, शरद भेषावकर, वसन्त रेग्मी, सोमपाल कामी, अभिनास बोहोरा, सन्दीप लामिछाने, दीपेन्द्रसिंह ऐरी, विनोद भण्डारी, करण केसी, प्रदिप ऐरी ।