काठमाडौं– उपप्रधानमन्त्री एवं रक्षामन्त्री ईश्वर पोखरेलले राजनीतिलाई सही आकार दिने विषयमा विज्ञहरुबीच राष्ट्रिय बहस हुनुपर्ने बताएका छन् ।

सोमबार नेपाल प्रज्ञा प्रतिष्ठानको ६२ औ बार्षिकोत्सव तथा राष्ट्रिय कविता महोत्सव समारोहलाई सम्बोधन गर्दै उनले साहित्यले पनि राजनीतिलाई सघाउनुपर्ने बताए । उनले राजनीतिको अस्थिपञ्जरमा मांसपेसी टाँसिए जसरी साहित्य क्षेत्रका विज्ञहरुले सघाउनुपर्ने आवश्यकता औल्याए ।

उनले भने, “सही राजनीतिको स्केलेटनमा आवश्यकता अनुसार विज्ञताको मांसपेशी भरेर सम्मृद्धिको सुन्दर तस्वीर बनाउनु जरुरी छ । यो काममा राजनीति क्षेत्रका विज्ञता राख्नुहुने प्राज्ञ व्यक्तित्वहरु सबैले एकताबद्ध भएर यो अभियानमा लाग्नु जरुरी छ ।”

कार्यक्रममा प्रतिष्ठानमा २५ बर्ष कार्यरत कर्मचारीहरुलाई २५ हजार नगद रुपैयाँ सहित सम्मान गरिएको थियो ।