काठमाडौं– जल तथा मौसम पूर्वानुमान महाशाखाले सुदूरपश्चिमका तराईका जिल्लामा हावाहुरीसहित मेघ गर्जन हुने सम्भावना भएका कारण सतर्क रहन अपिल गरेको छ ।

उत्तर प्रदेशबाट नेपालको सुदुर पश्चिमतिर अगाडि बढिरहेको घना बादलको कारण सुदुर पश्चिमको केही भागमा हावाहुरि सहित मेघ गर्जनको सम्भावना अधिक रहेको मौसम पूर्वानुमान शाखाले अनुमान गरेको छ ।

तीन दिनको मौसमको अवस्था यस्तो छ-

दिउँसो: देशैभरि आंशिक देखि सामान्य बदली रही पुर्वका र पश्चिमका केहि स्थानहरु साथै मध्यका थोरै स्थानहरुमा वर्षाको सम्भावना रहेको छ।

राति: देशको मध्य र पश्चिमी भूभागहरुमा आंशिक देखि सामान्य बदलि तथा पूर्वी भूभागमा सामान्य बदलि भइ पूर्वका केही स्थानहरुमा साथै मध्य तथा पश्चिमका थोरै स्थानहरुमा वर्षाको सम्भावना रहेको छ।

असार १० गते (मंगलबार )

दिउँसोः देशको मध्य र पश्चिमी भूभागहरुमा आंशिक देखि सामान्य बदलि तथा पूर्वी भूभागमा सामान्य बदलि भइ पुर्वका केही स्थानहरुमा साथै मध्य तथा पश्चिमका थोरै स्थानहरुमा वर्षाको सम्भावना रहेको छ।

राति: देशको मध्य भूभागमा आंशिक देखि सामान्य बदलि तथा पूर्वी र पश्चिमका भूभागमा सामान्य बदलि भइ पुर्व र पश्चिमका केहि स्थानहरुमा साथै मध्यका थोरै स्थानहरुमा वर्षाको सम्भावना रहेको छ।

असार ११ गते (बुधबार )

दिउँसोः देशैभरि सामान्य बदलि भइ देशका धेरैजसो स्थानहरुमा वर्षाको सम्भावना रहेको छ।

राति: देशको मध्य र पुर्वी भूभागमा सामान्य बदलि तथा पश्चिमि भूभागमा आंशिक देखि सामान्य बदलि भइ पुर्व र मध्यका धेरै स्थानहरुमा साथै पश्चिमका थोरै स्थानहरुमा वर्षाको सम्भावना रहेको छ।