काठमाडौं – प्रधानमन्त्री कप एकदिवसिय राष्ट्रिय क्रिकेट प्रतियोगितामा विभागीय टोली त्रिभुन आर्मीले शुखद् शुरुवात गरेको छ ।

किर्तिपुरस्थित त्रिभुवन विश्वविद्यालय क्रिकेट मैदानमा शुक्रवारबाट शुरु भएको प्रतियोगितामा आर्मीले प्रदेश नम्बर २ लाई १ सय ७१ रनको फराकिलो अन्तरले पराजित गरेको छ । आर्मीले दिएको २ सय ७९ रनको लक्ष्य पछ्याएको प्रदेश नम्बर २ ले ३१.४ओभर खेल्दै सबै विकेट गुमाएर १ सय ७ रन मात्रै बनाउन सक्यो ।

आर्मीका बलर सामू प्रदेश २ का ब्याट्सम्यान कमजोर देखिए । प्रदेश २ का लागि हरिशंकर शाहले २१ रन, साम्सद शेखले १६ रन र सुधिर चौधरीले १५ रन र राशिद खानले १४ रन बनाउनु बाहेक अन्यले राम्रो रन, बनाउन सकेनन् ।

प्रदेश २ विरुद्ध आर्मीका बलरहरुले उत्कृष्ट प्रदर्र्शन गरे । आर्मीका लागि साहब आलमले ४ विकेट लिए । उनले ९ ओभरमा २९ रन खर्चेर ४ विकेट लिए भने सुसान भारीले ३ विकेट लिए । त्यस्तै, जितेन्द्र मुखीयाले २ विकेट लिए भने कुशल मल्लले समान एक विकेट लिए ।

यसअघि टस हारेर पहिले ब्याटिङको गरेको आर्मीले ५० ओभर पुरा खेल्दै ९ विकेट गुमाएर २सय७८ रन बनाउँदै प्रदेश २ लाई २सय७९ रनको लक्ष्य प्रस्तुत गरेको थियो ।

आर्मीका लागि राजु रिजाल र कप्तान बिनोद भण्डारीले अर्धशतकीय पारी खेलेका थिए । यस्तै, आपनिङ ब्याट्सम्यान राजु रिजाल शतक नजिक पुगेर आउट भए । उनले १सय९ बलमा ९० रन बनाए । यस्तै, कप्तान बिनोदले ६६ रन बनाउँदा रोहित कुमार पौडेलले ४७ रन बनाएका थिए ।

हरि चौहानले २६ रन र सुशन भारी १२ रनमा अविजित रहे । आर्मीविरुद्ध प्रदेश २ का हरिशंकर शाहले ३ विकेट लिएका थिएका थिए ।

पहिलो जितसँगै आर्मीले २ अंक जोड्न सफल भएको छ । १० टिम सहभागी प्रतियोगिताका दुई समूहका शीर्ष दुई टिम सेमिफाईनलमा स्थान बनाउनेछन् । राष्ट्रिय खेलकुद परिषद् (राखेप) र नेपालयको व्यवस्थापन रहेको प्रतियोगिताको विजेताले २० लाख र उपविजेताले १० लाख रुपैयाँ प्राप्त गर्नेछ ।