भारत– भारतमा लगातार दोश्रो लज्जस्पद चुनावी पराजय व्यहोरेको काँग्रेस पार्टीका नेताले यसपटक पनि विपक्षी दलका नेताको औपचारिक मान्यता नपाउने भएका छन् ।

प्रावधानअनुसार विपक्षी दलका नेताको औपचारिक मान्यता पाउन दोश्रो ठूलो पार्टीले तल्लो सदन लोकसभाको जम्मा सिटमध्ये कम्तीमा १० प्रतिशत सिट जित्नुपर्ने हुन्छ ।

निर्वाचनपछि लोकसभाको जम्मा ५४५ सिटको १० प्रतिशत अर्थात् केबल ५४ सिट समेत जित्न नसकेपछि काँग्रेसका नेताले विपक्षी दलका नेताको मान्यता नपाउने अवस्था आएको हो ।

पछिल्लो नतिजाअनुसार काँग्रेस पार्टीले केबल ५२ सिट जितेको छ । यसअघि भएको आम निर्वाचनमा पनि दोश्रो ठूलो दल हुनुका बावजुद काँग्रेसले विपक्षी दलको मान्यता पाएको थिएन । अघिल्लो निर्वाचनमा काँग्रेसले केबल ४४ सिट जितेको थियो ।