काठमाडौं– नेकपाका वरिष्ठ नेता माधवकुमार नेपालले जिल्ला कमिटीहरु एकीकरण शीर्ष नेतृत्वबीच सहमति भएर गरिएको बताएका छन् ।

मदन भण्डारी स्मृति वाटिका स्थापना दिवसको अवसरमा बुधबार आयोजित कार्यक्रममा वरिष्ठ नेता नेपालले जिल्ला कमिटी नेतृत्व सबैलाई चित्त बुझ्ने गरी बनाइएको र त्यसमा आफू सन्तुष्ट रहेकोबताए ।

‘‘पार्टी एकताको जुन काम भएको छ, त्यो सबैको सहमतिमा भएको छ’, उनले भने, ‘जिल्ला कमिटी मसँगको सहमतिमै भएको हो । सहमति भन्दा तलमाथि भएको छैन, ठिक ढंगले भएको छ । नभए त म बोली हाल्छु नि फेरि ।’

नेकपा स्थापना दिवसको दिन आयोजिक कार्यक्रममा जिल्ला अध्यक्ष र सचिवको सूचीमा असन्तुष्टि जनाउँदै नेता नेपाल बाहिरिएको समाचार सार्वजनिक भएको समाचारहरु बारे नेता नेपालले भने ‘ यी अनावश्यक टिप्पणी हुन् ।’