काठमाडौं–सर्वोच्च अदालतमा नेपालको इतिहासमै पहिलो पटक शिशू स्याहार केन्द्र स्थापना गरिएको छ ।

सर्वोच्च अदालत परिसरमा स्थापना गरिएको शिशू स्याहार केन्द्रको सर्वोच्च अदालतका मुख्य रजिष्ट्रार नृपध्वज निरौलाले आइतबार उद्घाटन गरेका हुन् । सर्वोच्च अदालतका महिला कर्मचारीहरुलाई कार्यालयको कार्य सम्पादनमा सहजता ल्याउन तथा शिशुहरुको अधिकार हनन् हुन नदिन शिशू स्याहार केन्द्र स्थापना गरिएको सर्वोच्च अदालतकी शाखा अधिकृत सम्झना सिम्खडाले जानकारी दिइन् ।

शिशू स्याहार केन्द्रमा सर्वोच्च अदालतका कर्मचारीका शिशूहरुको कार्यालय समयसम्म स्याहार तथा हेरचाह गर्ने व्यवस्था गरिएको छ । सर्वोच्च अदालत परिसर भित्र स्थापना गरिएको सो स्याहार केन्द्रमा शिशुहरुका लागि आवश्यक खेलौना र श्रव्य दृष्य साग्रमीहरुको पनि व्यवस्था गरिएको छ ।