काठमाडौं- नेपालस्थित अमेरिकी दूतावासले क्रिशमसको अवसरमा २ सय ५० बढी बालबालिकालाई उपहार प्रदान गरेको छ ।
नेपालस्थित अमेरिकी मिशनमा कार्यरत अमेरिकी मरिन सदस्यहरूले आज २ सय ५० बढी बालबालिकालाई उपहार प्रदान गरेका हुन् ।
उनीहरुले इट्टा फ्याक्टरीमा कार्यरत मजदूरहरूका बालबच्चा लगायतका लागि खोलिएको कोपिला पूर्व प्राथमिक विद्यालय र त्रिरत्न सामुदायिक विद्यालयका बालबालिकाहरूलाई उपहार वितरण गरेका हुन् ।
अमेरिकी दूतावासले सामाजिक सञ्जाल फेसबुकमा तस्वीरहरु राख्दै लेखेकाे छ- ‘हामीहरू सबै क्रिशमस मनाउन तयार हुँदैगर्दा आजको खुशी मनाउन लाग्नुभएका सबैमा आफू र आफ्ना परिवारसँग रमाइलो क्षणहरूको कामना गर्दछौं।’
प्रतिक्रिया