एजेन्सी– कोलम्बियाका कुख्यात लागुऔषध तस्कर पाब्लो इस्कोबारको घर भत्काइएको छ । कोलम्बियाको मेडेलिन शहरमा रहेको इस्कोबारको ‘मोनाको’ नामक घर भत्काइएको हो ।

१९८० को दशकमा इस्कोबार बसेको त्यस घर पछिल्ला केही समययता पर्यटकीय गन्तव्यको रुपमा विकसित भएपछि शुक्रबार त्यस घरलाई नियन्त्रित विष्फोटनबाट भत्काइएको मेडेलिन शहरका मेयरले जनाएका छन् । ८ तले घर रहेको स्थानमा अब पार्क बनाइने अधिकारीले जनाएका छन् ।

त्यस क्षेत्रका शहरका दुई लागूऔषध तस्करहरु मेडेलिन कार्टेल र काली कार्टेलबीच द्वन्द्वको समयमा काली कार्टेलले सन् १९८७ मा त्यस घरमा कार बम विष्फोट गराएको थियो । त्यतिबेला भएको शक्तिशाली कार बम विष्फोटले पनि त्यस घरमा क्षति पुर्‍याउन सकेको थिएन ।

पछिल्लो समय त्यस घरलाई हेर्नका लागि वर्षेनी हजारौँ लागुऔषध दुव्र्यसनी पर्यटकका रुपमा आउने गरेको बताइन्छ । पाब्लो इस्कोबार सन् १९९३ मा अमेरिकी तथा कोलम्बियाका विशेष फौजको कारवाहीमा मारिएका थिए ।