कपिलवस्तु– कपिलवस्तुको वाणगंगा नगरपालिकामा अज्ञात समूको गोली प्रहारबाट एक महिलाको मृत्यु भएको छ ।
जिल्ला प्रहरी कार्यालय कपिलबस्तुका प्रहरी नायव उपरीक्षक डिएसपी रवी रावलका अनुसार, गए राति १ बजे अज्ञात समूहको गोली प्रहारबाट घरमै बसिरहेकी वाणगंगा नगरपालिका–४ कुवेरापुरकी अनिता पौडेलको मृत्यु भएको हो ।
खाना खाएर घरमा बसेका बेला राति दुई जनाको समूहमा आएका व्यक्तिले पौडेलमाथि गोली हानेर फरार भएको प्रहरीको भनाइ छ । प्रहरीका अनुसार उनको शव पोष्टमार्टमको लागि तौलिहवा अस्पताल पठाइएको छ । घटनाको कारण भने खुल्न सकेको छैन ।
प्रतिक्रिया