काठमाडौं- गृहमन्त्री रामबहादुर थापा बादलले शुक्रबार राति ललितपुरको नख्खुस्थित एनसेल कार्यालयमा भएको विष्फोटमा परी घाइते भएको स्वास्थ्य अवस्ठा बुझ्न अस्पताल पुगेका छन् ।

ललितपुरको मेडिसिटी अस्पताल पुगि घाइते र आफन्तलाई भेटेर गृहमन्त्री थापाले घाइतेको सरकारले निशुल्क उपचार गरिदिने बताए । उनले दोषीलाई जसरी भएपनि कानुनको कठघरामा ल्याउने प्रतिवद्धता जनाएका छन् ।

मन्त्री थापासँगै नेपाल प्रहरी महानिरीक्षक सर्वेन्द्र खनाल र महानगरीय प्रहरी प्रमुख डिआईजी शैलेश थापा क्षेत्री पनि अस्पताल पुगेका थिए । विष्फोटको घटनामा परी घाइते भएका प्रतिक्षा खड्का र उरुशा मानन्धरको मेडिसिटी अस्पतालमा उपचार भइरहेको छ । शुक्रबार करिब साढे आठ बजे नख्खुस्थित एनसेल गेटमा बम विस्फोट भएको थियो ।

विष्फोटमा परी घाइते भएका सिंहप्रसाद गुरुङको भने उपचारका क्रममा मृत्यु भएको छ ।