काठमाडौं- नेपालका लागि भारतीय राजदूत मन्जिव सिंह पुरीले नेपाली महिलाको क्षमता विकास र सशक्तिकरणका लागि महिला संसादसँग छलफल गरेका छन्। उनले सत्तारुढ दल तथा प्रतिपक्षी दलका महिला सांसदलाई बोलाएर नेपाली महिलाको सशक्तिकरणका विषयमा छलफल गरेका थिए ।

नेपालका महिला सांसदसँग सामूहिक तस्वीर खिचाउँदै भारतीय राजदूत पुरीले नेपाली महिलाको सशक्तिकरणका विषयमा छलफल गरिएको बताएका छन् ।

उनले सामाजिक सञ्जाल ट्वीटरमा नेपाली सांसदसँगको सामूहिक तस्वीर राख्दै ‘नेपालका केही महिला सांसदसँग राजनीतिमा महिला सशक्तीकरणको विषयमा छलफल गर्न पाउँदा हर्षित छु,’ लेखेका छन् ।
हेर्नुहोस राजदूत पुरीको ट्वीट

Delighted to interact with some women MPs of Nepal and exchange ideas on political empowerment of women pic.twitter.com/tskZiNAcIz

— Ambassador Manjeev Puri (@ambmanjeevpuri) July 22, 2019

राजदूत पूरीले सोमबार भारतीय दूतावासमा आमन्त्रण गरेर सांसदसँग छलफल गरेका हुन् । छलफल सत्तारुढ नेपाल कम्युनिस्ट पार्टी (नेकपा), प्रतिपक्षी दल नेपाली कांग्रेसका सांसदहरुको सहभागिता थियो।