भक्तपुर– प्रहरीले सूर्यविनायक नगरपालिका–५ सल्लाघारीबाट जुवातास खेलिरहेको अवस्थामा तेह्र जनालाई पक्राउ गरेको छ ।

महानगरीय प्रहरी परिसर भक्तपुरबाट खटिएको टोलीले रु छ लाख एक हजार नगदसहित १३ जनालाई पक्राउ गरेको हो । महानगरीय प्रहरी परिसर भक्तपुरका प्रहरी नायब उपरीक्षक रेवतीरमण पोखरेलका अनुसार पक्राउ परेको १३ जना विरुद्ध आइतबार नै मुद्दा चलाएर कारवाही प्रक्रिया अगाडि बढाइएको छ ।

यसैबीच, भक्तपुर नगरपालिका–१० कमलविनायकमा उपेन्द्र ढकालको घरमा डेरागरी बस्दै आएका ४५ वर्षीय राजकुमार थापा मृत अवस्थामा भेटिएका छन् । थापा आफ्नै कोठामा मृत अवस्थामा फेला परेका हुन् ।

ठेगाना खुल्न नसकेका थापाको शव परीक्षणका लागि भक्तपुर अस्पताल लगिएको छ । घटनाबारे प्रहरीले अनुसन्धान जारी राखेको छ ।