काठमाडौं– लोक सेवा आयोगले स्थानीय तहका विभिन्न पदमा स्थायी पदपूर्तिका लागि आह्वान गरेको विज्ञापनका सम्बन्धमा सर्वोच्च अदालतमा परेका रिटमाथिको सुनुवाई बुधबारका लागि सरेको छ ।

आइतबारको सुनुवाईमा बहस नसकिएपछि बुधबारका लागि सुनुवाई सारिएको हो । आइतबार रिट निवेदकका तर्फबाट बहस भएको थियो ।

सर्वोच्च अदालतमा लोकसेवा आयोगको विज्ञापनविरुद्ध ३ वटा रिट परेका छन् । आयोगले आह्वान गरेको विज्ञापन समावेशी सिद्धान्तविपरीत भएको भन्दै अधिवक्ता जगदेव चौधरी, विकास ठाकुर र जनकबहादुर बुढा समेतको हकमा मिमबहादुर योञ्जनले रिट दायर गरेका थिए ।

लोक सेवाले आह्वान गरेको विज्ञापन समावेशी सिद्धान्तविपरित रहेको भन्दै संघीय संसदको राज्य व्यवस्था तथा सुशासन समितिले खारेज गर्न निर्देशन जारी गरेको थियो । संसदीय समितिको उक्त निर्देशनविरुद्ध अधिवक्ता राजाराम घिमिरेले सर्वोच्च अदालतमा रिट दायर गरेका थिए ।

लोक सेवाको विज्ञापनको पक्ष र विपक्षमा परेका रिटमाथि आइतबारदेखि सुंयुक्त रुपमा सुनुवाई शुरु भएको हो ।

आइतबार न्यायाधीशरु हकिृष्ण कार्की र डा. आनन्दमोहन भट्टराईको इजलाशमा सुनुवाई भएपनि बहस नभएपछि बुधबारका लागि अर्को सुनुवाई तोकिएको छ ।