काठमाडौं – कोपा अमेरिका फुटबलमा ब्राजिलले पेरुविरुद्ध शानदार जित हात पारेको छ ।

घरेलु मैदानमा जारी कोपाको समूह ए मा रहेको ब्राजिलले पेरुलाई ५–० गोेल अन्तरले पराजित गरेको छ ।

ब्राजिलले घरेलु मैदानमा पेरुलाई हराउने क्रममा खेलको १२ मिनेटदेखि गोलको वर्षा शुरु गरेको थियो भने अन्तिमसमयसम्म निरन्तर गोल गरिरह्यो ।

ब्राजिललाई पहिलो अग्रता दिलाउन कासिमेरोले १२ औं मिनेटमा गोल गरेका थिए भने १९ औं मिनेटमा रोवर्टो फिर्मिन्होले गोल गर्दै टिमलाई दोहोरो अग्रता दिलाएका थिए ।

त्यस्तै एभर्टोन रोएसेसले ३२ औंमिनेटमा गोल गरेपछि पेरुविरुद्ध ब्राजिलले पहिलो हाफमै फराकिलो अन्तर बनाइसकेको थियो ।

खेलको दोस्रो हाफमा डानी अल्भास र विलिमयमले गोल गर्दै टिमलाई ५–० को जित दिलाए। अल्भासले खेलको ५३ औं मिनेटमा गोल गरेका थिए भने विलियमले ९० औं मिनेटमा गोल गरेका थिए ।