मोरङ– जबरजस्ती करणी गरेको अभियोगमा प्रहरीले चार जनालाई पक्राउ गरेको छ ।
ग्रामथान गाउँपालिका-७ स्थित केराघारीमा १७ वर्षीया किशोरीलाई जबरजस्ती गरेको अभियोगमा ४ जनालाई पक्राउ गरेको हो ।
पक्राउ पर्नेहरूमा मोरङ ग्रामथान गाउँपालिका-५ बस्ने २० वर्षीय सुरेश थानदार, सोही स्थान बस्ने २५ वर्षीय कमल पुरी, २२ वर्षीय सन्तोष कुमार माझी र २२ वर्षीय प्रकाश कुमार थारु रहेका छन् ।
किशोरीलाई जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय हरैंचाबाट खटिएको प्रहरीले जबरजस्ती करणीमा संलग्न मध्येका उनीहरुलाई पक्राउ गरेको हो । घटनामा संलग्न एक जना फरार रहेको र उनको खोजी जारी रहेको प्रहरीले जनाएको छ ।
प्रतिक्रिया