काठमाडौं– यु–१८ साफ च्याम्पियनसिप फुटबलमा नेपाली टोली भुटानसँग पराजित भएको छ ।
सशस्त्र प्रहरी बलको हल्चोक मैदानमा भएको खेलमा नेपाल ३–० ले पराजित भएको हो ।
घरेलु मैदानमा भएको खेलमा नेपाली टोलीको निकै फितलो प्रदर्शन रह्यो । अग्रपङ्तिमा मनिस डाँगी र ब्रिजेश चौधरीले सम्हालेका थिए ।
खेलको ४१ औं मिनेटमा यशी दोर्जेले भुटानका लागि पहिलो गोल गरेका थिए भने ८६ औं मिनोटमा केलज्याङ जिग्मेले गोल गर्दै टिमका लागि दोहोरो अग्रता बनाए । त्यस्तै खेलको अन्तिम समयमा भुटानले थप एक गोल गर्दै ३-० को जीत हासिल गरेको हो ।
प्रतियोगिताको समूह ए मा रहेको नेपालले पहिलो खेलमा माल्दिभ्ससँग १–१ गोलको बराबरी खेलेको थियो ।
प्रतिक्रिया