काठमाडौं– पाकिस्तान सुपर लिग (पीएसएल) को टिम लाहोर कलान्दरबाट खेलीरहेका नेपाली राष्ट्रिय टोलीका लेगस्पिनर सन्दीप लामिछाने मुल्तान सुल्तानविरुद्धको खेलमा महत्वपूर्ण २ विकेट लिएका छन् ।

यूएईस्थित सारजहा त्रिकेट मैदानमा भइरहेको खेलमा सन्दीपले पहिलो ओभरमा १७ रन खर्चिए पनि दोस्रो ओभरमा रन नियन्त्रण गर्नुका साथै टिमका लागि महत्वपूर्ण २ विकेट पनि लिए ।

कलान्दरविरुद्ध आक्रमक ब्याटिङ गरिरहेका सुल्तानका ब्याट्सम्यान जेम्स भिन्सलाई लामिछानेले आउट क्याच आउट गराए ।

सन्दीपले ८४ रन बनाएर खेलिरहेका भिनसलाई फकर जमानको हातबाट क्याच गराउँदै कलान्दरका लागि पहिलो विकेट लिएका हुन् । यस्तै दाेस्राे अ‍ोभरकाे अन्तिम बलमा सोहेब मलिक सन्दीपकाे ‘शिकार’ बने ।