काठमाडौं– खानेपानी मन्त्री विना मगरले मेलम्ची आयोजनाको काम पूरा गर्ने विषयमा दुईवटा विकल्पबारे छलफल भइरहेको बताएकी छन् ।

शुक्रवार प्रतिनिधिसभाको बैठकमा सांसदहरुले राखेको प्रश्नहरुको जवाफ दिँदै मन्त्री मगरले सरकारले चाँडो भन्दा चाँडो मेलम्चीको पानीलाई काठमाडौं ल्याउन दुईवटा विकल्पमा छलफल भइरहेको बताइन् ।

ठेक्का सम्झौता तोडिएको इटलीयन कम्पनी सीएमसीलाई पुन काममा फिर्ता बोलाउने वा नयाँ ठेक्का प्रकया गरेर मेलम्ची आयोजनालाई छिटोभन्दा छिटा सक्ने विषयमा छलफल भइरहेको मन्त्री मगरले जानकारी दिइन् ।

‘दुईवटा विषयलाइर्ए सँगसँगै लैजान खोजेका छौं , मन्त्री मगरले भनिन्,‘सीएमसी आउँछ भने नेपाली भेन्डर समस्या समाधान गर्न सक्छौं उ आयो भने अलि चाडो काम हुन्छ र विधिसम्मत रुपमा सीएमसी आउँछ भने सरकार स्वागत गर्न तयार छौं ।’