झण्डै ३ सय ५० करोडमा निर्माण भएको फिल्म ‘साहो’ यही ३० अगस्तमा रिलिज हुँदैछ । यो फिल्ममा दक्षिण भारतीय सुपरस्टार प्रभास छन् । यही कारणले पनि फिल्मको धेरै चर्चा छ ।

‘बाहुबली’ पछि प्रभास यो फिल्ममार्फत दर्शकमाझ आउँदैछन् । चार भाषामा रिलिज हुने ‘साहो’ मा श्रद्धा कपूरको पनि शीर्ष भूमिका रहनेछ ।

यस्तो छ कथा

एक व्यक्तिले एक बदमासको गिरोहसँग लड्ने फैसला गर्छ । गिरोहसँग पनि हतियारको भण्डार छ । शहरमा आम मान्छेको ज्यान जोखिममा छ । खलनायकको चंगुलमा फसेको शहरलाई फेरि फिर्ता लिन एक व्यक्तिले सबथोक गुमाउन तयार हुन्छ ।

खलनायक पनि निकै चलाख हुन्छ । सधै एक कदम अगाडि हुन्छ । फिल्ममा हिरोले समस्यामा फसेको शहरलाई कसरी पहिलेको जस्तो बनाउँछ भन्ने कथा छ ।