काठमाडौं – चाइनिज क्लब जियान्सु सुनिङले स्पेनिस महारथि रियल मड्रिडका फरवार्ड ग्यारेथ बेल टिममा भित्र्याउन चासो देखाएको छ ।

सुनिङले बेललाई यहिँ सिजनमा क्लबमा भित्र्याउन खोजेको खेल पत्रिका मार्काले उल्लेख गरेको छ ।

आइतबार बिहान बार्यनसँग रियल मड्रिड पराजित भएपछि प्रशिक्षक जिनेदिने जिदानले क्लबले बेललाई बेच्न चहाएको बताएका थिए ।

अहिले बेल कर बाहेक प्रत्येक बर्ष १७ मिलियन युरो रियलबाट पाइरहेका छन् र सुनिङसँग जोडिँदा उनी निकै महंगा हुने समाचारमा उल्लेख छ । उनले चाइना जान ७० प्रतिशतसम्म तलबमा बृद्धी खोज्ने आशंका गरिएको छ ।

तर, बेलका लागि सुनिङमात्रै होइन इग्लिस क्लब टोटनह्यामले पनि रुचि देखाएको छ । जसमा टोटनह्यामले ५० देखि ६० मिलियन युरोसम्म दिनसक्ने अनुमान लगाइएको छ ।