एजेन्सी-अमेरिकाका स्टार खेलाडी क्रिस्टियन पुलिसिक इङ्ग्लिस फुटबल क्लब चेल्सीमा आवद्ध भएका छन् । प्रिमीयर लिग क्लबसंग साँढे ५ बर्षको सम्झौता गर्दै पुलिसिक नयाँ सिजनका लागि स्टामफोर्ड ब्रिज आएका हुन् ।

जर्मन क्लब बोरुसिया डर्टमण्डबाट चेल्सीमा आवद्ध भएका उनले ५८ मिलियन पाउण्ड पारिश्रमीक पाएका छन् । उनी अमेरीकाबाट क्लब फुटबल खेल्नेमा सबैभन्दा महँगा खेलाडी पनि बनेका छन् ।

चेल्सीमा आवद्ध भएसँगै उनले स्टार खेलाडी इडन हर्जाडको स्तरमा पुग्ने इच्छा रहेको बताए । ‘हजार्डले चेल्सीमा जे गरे, त्यो अविश्वसनीय छ ‘, उनले भने, ‘उनी यस्ता छन्, जसलाई म हेर्न चाहन्छु र त्यस्तै बन्न ईच्छा राख्दछु ।’

हजार्ड युरोपा लिगको फाईनल खेल्दै स्पेनिस रियल मड्रिड जाने तयारीमा छन् । उनले पछिल्ला २० खेलमा डर्टमण्डबाट चार गोल गरेका छन् ।